Celso Diz Quintas naceu en Porqueirós (Muiños), na Baixa Limia, en 1934. Casou e trasládase para Mugueimes, o mesmo concello, onde nacen os seus dous fillos, Celso e Susana.
Estudou maxisterio e exerceu como mestre e profesor durante cinco anos en Ourense, catro en Euskadi e trinta e seis en Vigo, onde se xubila e volta para Mugueimes. Home vital e sociable, segue a ter unha vida moi activa, física e intelectualmente, e non perde ocasión de participar ou organizar actividades comunitarias e de carácter tradicional na zona. Gran persoa, compañeiro, lector, conversador e contador de historias.

Eu de Nogueira Pinto, pois convivín con el moitos anos, e contoume moitas cousas, pero vamos, non sei. (...) Tiña moitísimas anécdotas, destas pequenas, non?, por exemplo: unha vez viña de Ourense (...) co coche cargado de contrabando, e,e, parouno a Guardia Civil (...) non, non, (incomprensíbel) xa tiña un coche (...). Entón, alí en Verín, a Guardia Civil deulle o alto, e el baixou a ventanilla e dixo: "Não os posso levar, que vou cheo, que vou cheo", e despegou.