Lectura dun poema de Follas Novas de Rosalía de Castro.

Teño tres pitas blancas

e un galo negro,

que han de poñer bos ovos,

andand’o tempo.

i hei de vendelos caros

polo xaneiro,

i hei de xuntalos cartos

para un mantelo,

i heino de levar posto

no casamento,

i hei...pois mira, Marica,

vai por un neto,

que mentras non quitas

eses cerellos,

i as pitas van medrando

co galo negro,

para poñe-los ovos,

e todo aquelo

do Xaneiro, dos cartos,

i o casamento,

miña prenda da ialma,

vamos bebendo!