Dolores Macías Pose, de Borneiro, Borneiro, Cabana de Bergantiños. Cantareira tradicional que conserva o legado musical da parroquia cabanesa de Borneiro. Protagonizou un dos programa de Alalá da TVG. O seu legado musical foi recollido por varios colectivos de investigación da música e danza tradicional como o grupo Ruote da Coruña.

Viva Lugho, viva Orense
viva tamén Pontevedra
coa ciudá da Coruña
orgullo da nosa terra

Lugho é terra de nabos
Coruña de pescadores
Pontevedra de canteiros
Orense d'afiadores

Viva Santiago que tiene
una buena catedral
Coruña buenos paseos
y Ferrol el arsenal

Muito miras cara min-e
muito me choscas o ollo
son criada de servicio
non podo atender a todo

Eu caseime cunha nena
porque cantaba moi ben
agora morro de fame
o cantar non me mantén