Aquí vimo-los rexumeiros

nesto somos algo artistas

para darlle comezo ao conto

tocoulle por turno ás modistas

 

botando da súa vida 

e non saben dar puntada

en canto saben facere

ben os debuxos na cara

 

Primeiro cortaban  o pelo

vai pasando esa moda ahora

xa se lles deu por enrestalo

como se enrestaba a cebola

 

Pensan que lles queda bene

así como o fan elas

queren facerse máis guapas 

e inda se fan máis feas

 

Empezan depilando as cexas

e poñendo lunar postizo

logho polvo e colorete

e despois veña chorizo

 

É un verdadeiro asco

anque elas dighan que none

pa completa-lo masaje 

danlle ós ollos con carbone

 

Despois no tempo do verano

cando cansa moito a calore

procuran traller pouca roupa

pra non despedir mal olore

 

Poñen por debaixo un viso

por riba unha bata ou saia

poñen o traxe de baño 

e alá se van pa a praia. 

 

A veces pasa cada cousa

que, por certo, e moi divertida

alghunha con tanto ghustiño

xa se ten quedado durmida

 

A alghunha dálle verghonza 

que a vexan tantos pasmose

en vez de estarse coas outras

vai pa detrás dos montose