Ben, todos sabemos que os nenos pequenos son moi inocentes, hai que ter coidado co que se lles conta. Meu avó xa nos dicía que cando polo camiño alguén nos preguntase algo que lle dixésemos: "boca cala, barriga non fala, ós nenos pequenos non se lles pregunta nada".  Vou contar ou cantar unha historia que fala precisamente diso, da inocencia dos nenos. Fixádevos o que descubriron, o que descubriu un neno que estaba nas tarefas de pastoreo con outro, empezou a chover e abrigáronse en dúas tobas de pedra e isto era o que cantaba un.