O grupo de música tradicional “O TRÍCOLE” creouse en 1997, a partir do grupo de iniciación á música para adultos da Escola de Música de Sober, sendo o seu obxectivo principal a recolleita da Tradición Oral de todo tipo e a divulgación deste Patrimonio. Nestes máis de dez anos de andaina, “O TRÍCOLE” estivo presente en numerosos actos da comarca de Lemos, así como noutros puntos de Galicia e de Asturias. O repertorio do grupo está composto por cantigas populares recollidas na zona, obras de autor e creacións propias. Música da que se ofrece unha mostra no traballo discográfico editado en 2002 “Os sapos do Inchaín”. No eido da recuperación do Patrimonio Inmaterial, “O TRÍCOLE” publicou dous libriños de escolma de lendas, contos e outras tradicións orais de Sober, en colaboración coa asociación O COLADO DO VENTO, tamén de Sober. Ademais, ten recopiladas máis dun cento de lendas de Sober e, nos últimos anos, revitalizou o costume de ir cantar os reis e da creación de coplas satíricas no Entroido.

Paxariño, gorrione

donde vas face-lo niño

van todas, van todas

van todas, van todas, van

No piñeiro da Puebla

(no máis alto) (incomprensíbel)

van todas, van todas

van todas, van todas, van

E vimos da troula

da troula, de troulear

e vimos da troula

e vamos pr'alá

A trouleare, coas mozas

perdín as miñas polainas

van todas, van todas

van todas, van todas, van

A trouleare, coas mozas

perdín as miñas polainas

van todas, van todas

van todas, van todas, van

E vimos da troula

da troula, de troulear

e vimos da troula

e vamos pr'alá

Vindo da troula, troulada

perdín as miñas polainas

van todas, van todas

van todas, van todas, van

Vinchas pouco, que chas volva

non quero máis zarandainas

van todas, van todas

van todas, van todas, van

E vimos da troula

da troula, de troulear

e vimos da troula

e vamos pr'alá

E vimos da troula

da troula, de troulear

e vimos da troula

e vamos pr'alá