Coñecido en toda a parroquia pola súa facilidade de palabra, o seu humor e a súa disposición, o señor Aurelio o mesmo colle de gaita para animar unha festa que improvisa un discurso en verso.  
El dá fe dos lugares onde os mouros deixaron as súas marcas e tesouros nos montes de Xirarga e arredores e sería capaz de falar con eles coma un máis. Aurelio conserva e conta coma ninguén as historias e aventuras da xente da parroquia, dos que xa non están pero non se esquecen.

[Texto de Marisa Guerra Cañizo, Ana Guerra Cañizo e Poldo Cañizo Durán]