Chelo é do lugar da Gateira (na parroquia de Covelo, concello da Lama), ou sexa de "tras da Portela": a Portela da Cruz, o lindeiro que separa a parroquia de Xirarga da provincia de Pontevedra, onde xa falan doutro xeito, coma "da beira do Mar". Casada na Correa e veciña do lugar desde finais dos anos 70, falaranos de contos e lendas da súa terra, e veremos que a Nosa, ser é toda a mesma Terra.

[Texto de Marisa Guerra Cañizo, Ana Guerra Cañizo e Poldo Cañizo Durán]

Érase unha vez nun pueblo. Entonces estaba o abuelo, o pai… estaba o pai, o fillo e o neto. Entonces o paí díxolle… era unha leyenda que ó que non podían traballare levábanos ó monte, no monte había un sitio que lle chamaban As Penizas e levaban alí a xente de edá, a xente que xa non podía traballar.
Entonces díxolle o fillo ó pai:
—Meu pai, agora tócalle de ir pa o monte. Voulle dar unha manta e vouno levar.
E díxolle o pai:
—Bueno, e se me toca terei que ire.
Entonces foi, colleu a manta e íballa dar ó pai; e díxolle o neto ó pai:
—Papá, corta a metá da manta e déixaa quedare!
E díxolle o pai:
—E pa que a queres, meu fillo?
E díxolle el:
—Pa cuando ti seas vello coma meu abuelo, lévalo ao monte coa metá da manta.
E díxolle el ó pai; o pai do rapaz díxolle ó pai:
—Meu pai, de a volta que eu non quero ir po monte como vai usté.
E díxolle el:
—Meu fillo, gracias ó neto que senón ben estaba alá nas Penizas.