Xiana Arias Rego naceu na Fonsagrada en 1983. Licenciada en Xornalismo, traballa no programa Diario cultural da Radio Galega. Publicou en 2007 Ortigas, logo de gañar o XIX Premio Nacional de Poesía “Xosé María Pérez Parallé”, e a serie de poemas “Cleo de dez a doce” no artefacto “Pirata” que as Brigadas de Intervención Rápida George Grosz editaron en apoio ao Cineclube de Compostela. Colaborou en Dorna e Xistral, e en 2009 publicou en Galaxia o poemario Acusacións.
Acompañada coa trompa por Daniel Pando: naceu no Pando de Cuíñas en 1985 no seo dunha familia de forte tradición musical. Tocador de trompa leva anos traballando na recuperación e dignificación deste instrumento. Participa en diversos concertos, relatorios e gravacións para cine, televisión e radio. Actualmente preside a Asociación Ibérica da Trompa ou arpa de boca (AIT).