Miña nai mandoume á feira

a vendir unha galiña,

atopeime cunha moza

e quedeime na carballeira.

Empezamos a brincar,

empezou a brincadeira

e así pouquiño a pouco

fomos indo prá xesteira.

Alí pasámolo día,

foi un día mui fermoso,

eu brincando coa moza

e a galiña co raposo.

Cando viña prá casa

era alá pola tardiña,

alá me chega Pepiño

sen cartos e sen galiña.

Cando llo contei na casa

esperaba unha malleira,

miña nai botouse a rir,

acordóuselle a xesteira.