Nenas que vides á festa,
vestide o  traxe de gala,
un ramalliño violeta
le re le re
e unha mazá colorada
Un ramalliño violeta
le re le re
e unha mazá colorada

Unha mazá colorada
ben a quixeras collere
Mais só poderás probala
le re le re
se es do meu parecere
Mais só poderás probala
le re le re
se es do meu parecere

Se é que si que si
se é que non que non
hei facer o que me veña en gana
Se é que non que non
se é que si que si
se eu quero virás onda min

O meu amor é pequeno
é pequeno así o quero
métoo na manga da chambra
para (velo) cando eu quero

Bailade nenas bailade
non paredes de bailare
As estrelas tamén bailan
le re le re
sen parar de alumeare
As estrelas tamén bailan
le re le re
sen parar de alumeare

Esas si que son follas de limón
as de Mos facemos foliada
Esas si que son follas de oliva
polo mundo a cantar e a bailar

Aquí estamos as Malvela
viñemos para cantare
As mozas de Sanguiñeda
le re le re
todas facemos a festa
As mozas de Sanguiñeda
le re le re
todas facemos a festa

Se é que si que si
se é que non que non
hei facer o que me veña en gana
Se é que non que non
se é que si que si
se eu quero virás onda min

Esas si que son follas de limón
as de Mos facemos foliada
Esas si que son follas de oliva
polo mundo a cantar e a bailar

Gravación feita o 7 de decembro de 2022 en Sanguiñeda (Mos), co financiamento da Deputación Provincial de Lugo e CEDRO.