Ramón
D. Veiga

Ramón D. Veiga (Ferrol, 1970). Licenciado en Filoloxía Hispánica pola Universidade da Coruña, traballa desde o ano 1996 no eido da edición. Ten publicados para o público infantil Violeta quere ser vampiro. Un conto do Samaín (2017), É tempo de Entroido! (2018), A araña que lles tiña medo ás arañas (2019), Meigas fóra! (2020), Non pare a festa (2021) e Miñoca e coello (2021), todos eles no catálogo de Xerais.

No ano 2020 publicou o conto en liña #EuQuedoNaCasa, que resume a situación que se viviu nos fogares onde hai nen@s durante os días de confinamento provocados pola COVID-19.

Con Violeta Parapluie e outras historias de xente pouco corrente gañou o Premio Arume de Poesía para a Infancia.

Na actualidade coordina en Instagram o proxecto colaborativo @podiachovermerda, onde escribe textos que acompaña de imaxes realizadas por un amplo catálogo de artistas galegos, sobre todo ilustradores e ilustradoras.

Autoría da fotografía: Chile Estudio

[Xaneiro, 2022]