Inés

López Fernández

Nacín en Foxos, Pedrafita do Cebreiro, no 1980.

Estudei na escola unitaria de Foxos os primeiros anos e logo no Colexio Público de Pedrafita do Cebreiro.

Cursei o Bacharelato no IES Lucus Augusti de Lugo.

Licencieime en Medicina pola Universidade de Santiago de Compostela.

Especialiceime en Medicina Familiar e Comunitaria no Complexo Hospitalario Universitario de Vigo, onde tamén acadei o título de Suficiencia Investigadora.

Posúo varios títulos de Master en diferentes Universidades estatais (Universidade da Coruña, Universitat Oberta de Catalunya, Universidad Cardenal Herrera).

Na actualidade traballo como médica de urxencias hospitalarias no Hospital Lucus Augusti de Lugo.

Descubro a poesía con 9 anos, despois de ser recoñecida co 2º premio de ciclo medio da EXB na categoría de poesía no certame do Día das Letras Galegas, que no 1990 se adicou ao poeta lugués Luís Pimentel. Foi Manuel María quen me entrega o premio.

Ao longo das últimas 3 décadas voume introducindo no mundo poético e descubro a poesía como un xeito de relacionarme co mundo, unha maneira de protesta, de entrega e de compromiso.

O decorrer da miña experiencia vital pola montaña de Lugo, as cidades de Lugo, Santiago de Compostela e Vigo, servirá de inspiración para o meu primeiro poemario, Acuruxar, que saíu do prelo en abril de 2024.

[Abril de 2025]