Clara doRoxo
Clara do Roxo, son filla de emigrantes galegos nacida en Caracas, aínda que volvín a Galicia aos dez anos e na actualidade resido en Vigo. Licencieime en Xeografía e Historia e todo o tempo libre o dedico á miña familia, a ler e a escribir, actividade que me fai sentir sempre cos pés un chisco elevados da terra.
Teño vocación e necesidade de escribir dende ben noviña, pero ata o ano 2008 nunca presentara ningunha das miñas escritas a un premio literario. Fíxeno por vez primeira nese ano, no Certame de relatos Mulleres Progresistas de Vigo acadando o segundo premio co relato "Surrealidades". Ese galardón tan importante e inesperado motivoume para continuar escribindo e para presentarme a outros premios, acadando:
2009 1º Premio Cividade de Mos con Os moríos de Manolo, 2º Premio Cultura Quente de Caldas con Bandexa de entrada e quedou seleccionado para publicación no tomo de 2009 do Premio Modesto R. Figueiredo, con Cinza de xouba.
2010 1º Premio Cividade de Mos con Perfume de podremia, 1º Premio do Concello de Mugardos con Soñar en branco e Negro, Accesit no Modesto R. Figueiredo con Retallos da memoria perdida.
2011 Accésit do Manuel Oreste de Paradela con Os nós da madeira, 1º Premio do Café De Catro a Catro con O neno do ollar fuxidío, 3º premio dos Comités Filolóxicos da USC "Voces da Terra" con Tremer, e 1º premio do Certame de relato Manuel Murguía con A muller que deu a volta arredor de si mesma.
[Setembro, 2015]
