Berta
Dávila

Berta Dávila (Santiago de Compostela, 1987) é autora de libros de poemas como Corpo baleiro (2007) ou Raíz da fenda (Xerais, 2013), Premio Johán Carballeira de poesía, Premio Nacional da Crítica española 2013, Premio da AELG 2013. No eido da narrativa iniciouse con Bailarei sobre a túa tumba (Premio Biblos de novela, 2008), á que seguiu o libro de relatos A arte do fracaso (2010), traducido ao castelán e ao xaponés. Recibiu o Premio de Narrativa Breve Repsol no 2013 pola novela O derradeiro libro de Emma Olsen, editada por Galaxia a finais do mesmo ano, e Premio Ánxel Casal ao mellor libro de ficción 2013. Tamén foi nomeada pola AGE autora do ano no 2014. Recibiu o Premio Manuel García Barros pola novela Carrusel (Galaxia 2019). Ten publicados tamén dous libros infantís, o album ilustrado A Fuxida, e o poemario A pel do mundo (Gañaxia, 2017)

[Outubro, 2019]