Berta
Dávila

Berta Dávila (Santiago de Compostela, 1987) é novelista e poeta.

No ámbito da poesía, é autora de libros de poemas como Corpo baleiro (Espiral Maior, 2007) ou Raíz da fenda (Xerais, 2013), Premio Johán Carballeira de poesía, Premio da Crítica española 2013, Premio da AELG 2013.

Como narradora iniciouse con Bailarei sobre a túa tumba (Premio Biblos de novela, 2008), novela á que seguiu o libro de relatos A arte do fracaso (2010), traducido ao castelán e ao xaponés. Recibiu o Premio de Narrativa Breve Repsol no 2013 pola novela O derradeiro libro de Emma Olsen (Galaxia, 2013), Premio Ánxel Casal ao mellor libro de ficción 2013. Tamén foi nomeada pola AGE autora do ano no 2014. Esta última novela foi adaptada á banda deseñada por Pablo Prado, dando lugar a unha novela gráfica homónima, editada por Galaxia no 2020.

No ano 2019 recibiu o Premio Manuel García Barros pola novela Carrusel (Galaxia 2019), Premio Fervenzas literarias ao mellor libro de narrativa 2019 e Premio da Crítica española 2019. No 2020 recibiu o Premio Repsol de Narrativa Breve por Illa Decepción (Galaxia, 2020).

Ten publicados tamén dous libros infantís, o album ilustrado A Fuxida (Biblos, 2014), e o poemario A pel do mundo (Galaxia, 2017)

[Outubro, 2020]