Adicado ó meu pai, gaiteiro dende neno

Fala miña gaita fala,
fala ti con alegría,
ás penas en demasía,
para ben escorrentalas,

Fala, fala, fala,
miña gaita fala,
fala,fala,fala,
co meu pulo fala,

Chora, cando chorar queiras,
nos meus dedos que te adoran,
no soprete quen ti sopran,
beizos meus a da-las queixas,

Fala, fala, fala,
miña gaita fala,
fala,fala,fala
nos meus beizos fala,

De mestas penas que levan,
quen lonxe do berce vive,
no teu son eles reviven,
ronsel que no ser carexan,

Fala, fala, fala,
miña gaita fala,
fala,fala,fala
co meu folgo fala,

Os quen Galicia ficarmos,
na enxebreza da mestría,
mostramos pena e ledicia,
tanxéndo-te apaixoados,

Fala, fala, fala,
miña gaita fala,
fala,fala,fala
mesurada fala,

Gabándo-nos das paraxes,
verdecentes ou mirradas,
da lisura das palabras,
dos devanceiros padales,

Fala, fala, fala,
miña gaita fala,
fala,fala,fala
nos meus dedos fala,

Da herdanza que deixaron,
nas cantigas magoadas,
nesoutras tan aledadas,
ca milleiros namoraron,

Fala, fala, fala,
miña gaita fala,
fala,fala,fala
en min por eles fala,

Ó teu son moitos casaron,
nese son moitos naceron,
e se non arrequeceron,
contigo ledos danzaron,

Fala, fala, fala,
miña gaita fala,
fala,fala,fala
no meu alento fala,

Fala miña gaita fala,
sempre moi amorosiña,
vibra como unha mociña,
cando están a namorala,

Fala, fala, fala,
miña gaita fala,
fala,fala,fala
 amorosa fala,

Lanzal mozo que ela quere,
para pai dos seus meniños,
nese xemelgo cariño,
rexo en min para ti sempre,

Fala, fala, fala,
miña gaita fala,
fala,fala,fala
nos meus dedos fala,

Como cando ti falabas,
nos meus dedos inda nenos,
en alegros rebuldeiros,
rebentando albizaras,

Fala, fala, fala,
miña gaita fala,
fala,fala,fala
na miña alma fala,