É só que muitas vezes
o tempo vai demasiado lento
e pensamos que já se passou umha vida
quando o certo é que nom se passou nada
Temem que esqueçamos as palavras
E temem que nunca nos esqueçamos delas
Escuitas
ou nom escuitas
os telejornais
e dis
ou nom dis
que ainda nom sei
ou nom sabes
como é que falas
ou nom falas
enquanto fora a lua
canta
novas melodias de rebeliom
Como tangaranho
todas e cada umha das palavras
ou a própria língua
que resiste
que persiste
que insiste
E a memória do teu disco rígido
que sempre pode ser ampliada[3]
[3] Todo o que che sinto é pouco
e se me deforma o coraçom
enquanto desfragmento os andéis
Anexo umha nova fotografia
um arquivo de memória em jpg
e sigo adiante
Um novo correio electrónico
Mais um dia de realidades e insuficiências
Ainda nom o sei
respondes precipitadamente
à pergunta que che formulam
essa foto
a música da rádio
e umha pequena sensaçom de ausência
que atravessa os versos
que quigeras escrever
Ainda nom o sei
repetes
e fechas os olhos
para intentar dormir
Som as oito
É de dia
Baixa a neve das montanhas
e umha pequena voz
no interior do exterior
repete incessantemente
palavras que sabem a despedidas
a memórias quase esquecidas
a velhas palavras que em algum momento fôrom bonitas
Como te chamas?
pergunta o ruído dum carro que atravessa a janela
ou que parece que atravessa a janela
“Julio Cortazar”
responde com voz segura o livro da Maga
em cima da mesa da cozinha
De ser certo
todo aquilo que se dixo
agora nom estaríamos assim
vendo passar as horas
Todas as tardes
sentados na paragem dos autocarros
olhavam para o horizonte
e pensavam
em aqueles todos anos no comité
Nom foi umha decisom
É que foi assim
Umha cousa véu depois doutra
Um dia a seguir outro dia
Num momento dado amanheceu
e aquele dia também acordamos e nos erguemos
da cama
Nom nos despedimos
por se
mais umha vez
aquela também nom era a última vez
O oráculo pensou
“Isto cai polo seu próprio peso”
Nom
estava
ante
as
torres
gémeas
Estava na rua do Hórreo
e de fundo ouviam-se
as vozes duns parlamentares
a debaterem
sobre
a) a conveniência
b) a pertinência
c) a importáncia
de aplicar a normativa ISO 40/30006
nas caixas de bolachas
O INCREÍVEL SENHOR SMITH E O ADMIRÁVEL SENHOR WESSON PEDEM DESCULPAS PUBLICAMENTE E FAM UMHA IMPORTANTE DOAÇOM A UMHA ONG E AO COLÉGIO DE ORFOS DA GUARDA CIVIL
-...
- Sim foi assim
- Que se lhe vai fazer
- Foi assim e nom pudo ser doutra forma
- É bem certo
- Mas estamos arrependidos
- Muito arrependidos
- Nom nom nunca baixo nengum conceito voltariamos a fazê-lo
- Mas agora já foi
- E nom há que fazer-lhe
- Se nos pudéssemos
- Mas nom podemos
- Mas se pudéssemos
- Entom claro se pudéssemos
Uns segundos de silêncio
Dous nom mais
Umhas bágoas nos olhos
Duas nom mais
- Com a mao no coraçom
- Todo o que nos podamos
- Todo o que esteja ao nosso alcance
- O que seja
- Sem problemas
- Temos dinheiro
- Conhecemos gente
- Temos influências
- Muita gente nos deve favores
Silêncio novamente
- Por enquanto
- Só como umha primeira mostra da nossa boa vontade
- Sim isso Da boa vontade
- Pois cá está este cheque
- Assinado por ambos os dous mas ainda em branco
- Já lhe pugemos quatro zeros
- E agora cá
- Publicamente
- Queremos pôr um quinto
Escreve
Silêncio
- Eu até poria um sexto
- Sem dúvida imos pôr um sexto
Escreve
Silêncio
- Um sétimo sim claro um sétimo
- Com certeza também
Silêncio
- Um sétimo claro
Escreve
Silêncio
- E a primeira cifra
- A primeira cifra
- Um cinco?
- Um seis?
- Nom
- Nom
- Um sete sim será um sete
- É umha boa cifra um sete
- É umha cifra bonita
- Interessante
- Perfeita Muito melhor que outras
- Aliás nom se trata dos cartos
- Nom claro
- Com isto nom pretendemos
- Claro nom pretendemos
- Porque nós nom
- É só umha forma de
- Para demonstrar que
Silêncio
Em 1856, Horace Smith e Daniel Wesson fundárom a companhia americana que ainda leva o seu nome, Smith & Wesson. Iniciárom assim meio século de rápida expansom da indústria norte-americana de armas de fogo.
Lembro ainda
quando a música era nos meus apontamentos
a arte de expressar combinando o som e o ritmo
e que por ser a música umha arte sonora precisa da interpretaçom gráfica
o que deu lugar a escrita musical
A escrita musical pode ser alfabética ou diesquemática
A alfabética é a que se usou na antigüidade e emprega os signos gráficos do idioma
para expressar os sons e a sua duraçom
...
Lembro ainda que esta absurda definiçom tinha que ser memorizada
e que nom podia ser expressada em galego
porque a professora dizia nom entender esta língua
Lembro ainda que o meu exame de música foi corrigido polo profe de galego
e que ainda assim a professora de música cobrava no fim do mês sem problemas o seu salário
Lembro ainda...
Saída[4]
Nom há mais butano amor
Quanto tempo tarda em acabar-se todo
Um nom sabe bem que sentimento
cria quem esquece o parto, assente a pele e tensa o corpo
A procedência da nossa pele é anterior ao anterior
Contornando o jardim botánico
sempre há umha princesa
porque as laranjas dos reis eram pequenas e doces
Os teus olhos nom olham o que te bica
Assim che medrou no peito um tambor de buxo
Estou como escrita amor no fundo dos versos fluidos