O Roteiro Sangue de balea, tinta para debuxar e describir unha cartografía salvaxe na fin da terra, guiado por Xosé Iglesias, forma parte dunha iniciativa da AELG que pretende dar a coñecer as cidades e vilas do país da man das nosas escritoras e escritores, que exercen de guías tomando como base obras propias ou alleas vinculadas a eses espazos. Deste xeito, posibilítase que a cidadanía goce persoalmente dos espazos físicos na súa relación coa memoria literaria.

En palabras do autor: "Construírse un mesmo  aprendendo a descifrar a cartografía salvaxe da Costa da Morte. Mariñeiros esculpidos coa mar brava, a tinta de polbo e o sangue de balea. Remos que o bogar son a melodía perfecta para recitar un poema na fin do  mundo."

- O roteiro presencial terá lugar o sábado 7 de novembro de 2026, a partir das 16:00 horas, tendo como punto de encontro inicial o Miradoiro de Gures (Cee).

- A actividade é gratuíta e non é necesaria inscrición previa.

- Nota: é preciso levar calzado axeitado, dado que se vai por zona de monte.

O autor elaborará un texto escrito máis completo sobre o roteiro, que estará dispoñíbel nesta mesma páxina web nos seguintes meses.