Actividade da AELG

III Ciclo de Conferencias "Escritoras/es na Universidade 2008"

Do 15 de outubro de 2008 ao 5 de novembro de 2008

A Asociación de Escritores en Lingua Galega e a S. X. de Política Lingüística, en colaboración coa Facultade de Filoloxía das Universidades da Coruña e Vigo, achegarán á comunidade universitaria e á sociedade en xeral a oportunidade de escoitar unha extraordinaria pléiade de escritores e escritoras das nosas letras.

Fíxose un acto de inauguración do ciclo o día 16 de outubro, na Facultade de Filoloxía e Tradución da Universidade de Vigo, coa presenza do Vicerreitor de Relacións Institucionais, Sr. D. Iván Area, do Decano da Facultade de Filoloxía e Tradución, Sr. D. Joaquín Sueiro Justel, do Departamento de Filoloxías Galega e Latina, Sr. D. Anxo Lorenzo Suárez e polo Consello Directivo da Aelg a escritora Marta Dacosta.