Do 5 de outubro de 2019 ao 14 de decembro de 2019
Unha iniciativa da Escola de Escritoras-es da AELG e o Concello de Rianxo
Foto da actividade
Se gustas de converter en materia estética a realidade cotiá...
Se queres inventar coa palabra outros mundos máis interesantes….
Se aspiras a que na túa imaxinación as persoas volvan nacer, talvez mellores e máis fermosas do que en realidade foron...
Se desexas que a literatura faga vida en ti e, por que non, nas lectoras e lectores… Agardamos por ti.
As liñas no espello
Impartido por Antón Riveiro Coello, e cunha sesión maxistral a cargo de Inma López Silva.

 

10 sesións de 2 horas cada unha, en horario de 11:00 a 13:00, que se celebrarán os sábados:

  • 5, 19 e 26 de outubro
  • 2, 9, 16, 23 e 30 de novembro
  • 7 e 14 de novembro

Terá lugar na aula grande do Centro Sociocultural-Auditorio de Rianxo (como chegar).

20 prazas, gratuítas, para maiores de 15 anos, que se adxudicarán por orde de solicitude. Terán preferencia aquelas persoas que non participasen na primeira edición deste obradoiro, en 2018. Establécese un mínimo de 8 prazas cubertas para a súa realización.

A inscrición, gratuíta, é en liña ata o 26 de setembro de 2019, ás 14:00 horas, no espazo especialmente destinado a este efecto en www.rianxo.gal: http://concelloderianxo.gal/cultura/-/blogs/obradoiro-de-creacion-literaria-as-linas-no-espello

 

O obradoiro enmárcase na Escola de Escritoras e Escritores da AELG, iniciativa que centra os seus esforzos en impartir, por concellos de todo o país, obradoiros con formatos e destinatarios diversos, nos que se abordan diferentes xéneros literarios e contidos. Trátase dunha iniciativa que, cos autores/as como guías, ten o obxectivo de transmitir a experiencia apaixonante do acto creador, tentando concienciar á sociedade do imprescindíbel que é a estimulación creativa na escrita e o seu papel complementario na formación do individuo. O proxecto aposta por ofrecer á mocidade un sistema lingüístico, literario e cultural propio no que asentar as súas raíces.