A convicción do amor non é abondo

DIALOGAN baixo a claridade de xuño,

cando a auga crece e o merlo tensa a súa negrura.

Son signos para o equilibrio e a victoria,

mais o amor esixe aínda o ideal desasimento,

a forza da tenrura.

Corre branco, entre cristais, o verán,

sen mais premonición que a do tempo.

A gaivota,

o desacougo no fuxir da auga,

a fraxilidade da inocencia

son símbolos de dúbida:

¿quen fortalecerá o corazón?