Eu quero que esta homenaxe a Manuela Rey sirva tamén para reivindicar o teatro como manifestación cultural habitual, no día ao día, das nosas vidas. O teatro é un pilar importantísimo na cultura dos pobos. Dende fai miles de anos, estivo presente nas diversas culturas, lembrémonos de Grecia e Roma. O teatro desperta conciencias para que non nos durmamos no mundo. O teatro alimenta o espíritu, e como dicía Shakespeare: "O que enriquece é o que enriquece o corpo e o espíritu". O teatro examina o mundo, e fainos pensar noutros mundos posibles. O teatro é o espello que nos reflicte, i anosa/ amósanos a nosa realidade individual e colectiva, e xa que logo nos estimula, e nos alenta a corrixirnos en aras dun mundo mellor.
Viva o teatro!

Para ti Manuela Rey
para ti a muller lirio
vai hoxe o noso recordo
dedicado ao teu prestixio

Aínda que a morte, Manuela
te levou a corta idade
tiveches intensa vida
chea de penalidades

Non gozaches dunha infancia
para gardar bos recordos
Fuches muller aflixida
truncáronseche os romances
pero, dende esta a túa patria,
agradecemos a túa vida

Vivan os homes e mulleres que coma Manuela Rey fan posible o teatro!