Antonio Reigosa:

Desde Salcedo de Brollón
onde o oso ten o oseiro 
volven agora estes cegos
que se guían polo cheiro 

Non ven, pero polo ulido
saben onde está o diñeiro 
¡Que ben saben os de Salcedo
cal é o entroido verdadeiro!

Coplas de Cego do Entroido de Salcedo:

Poñan atención señores
no que lles vou a contar
que o (entroido) en Salcedo
sempre o houbo e haberá

O entroido en Salcedo
toda a vida foi fermoso
polos disfraces ben feitos
os criados e o oso

O oso vén da montaña
de descansar todo o ano
e cando chega a Salcedo
corre de moito carallo

Xa se sinte o esquillón
póñense os pelos direitos
xa se escardábata a xente
polo pobo ao direito

A xente que vén d'afora
que non veña trabucada
porque o oso non respeta
nin maquillaxes nin galas

Que non pensen os dos coches
de se librar do bulleiro
que se queren os criados
éntranlle no maleteiro

O oso non ten vergonza
métese hasta nas lareiras
pra embatugarse de cinsa
e fregarse na escaleira

Vouvos dar a despedida
no vola quixera dar
que o oso e os criados
corran moitos anos máis

Que o oso e os criados
corran moitos anos máis!