Lectura dun poema de Follas Novas de Rosalía de Castro.

Apresa, Álvaro de Anido,

vive moito en pouco tempo,

espolea o teu cabalo

e espoleándoo, rebéntao.

Que importa un nobre cabalo?

Que importan dous nin trescentos?

O que importa, Álvaro Anido,

é chegar cedo.

Vai dun polo a outro polo, 

rexistra os antros terreos,

monta na locomotora,

sube nos grobos aéreos,

e con centela recorre

do vacío o espazo inmenso:

es home e cansarás, Álvaro,

correndo e correndo.