Pilar Rama Pose, de Folgoso, Riobó, Cabana de Bergantiños.
Pilar Rama é filla de vella cantareira que gardaba o tesouro musical da parroquia cabanesa de Riobó. Ela recibiu por transmisión familiar esa vella herdanza. Da súa cabeza poden xurdir centos e centos de antigas coplas.

Texto de Xosé Manuel Varela Varela (Asociación Cultural Monte Branco)

Entrei na Cruña cantando
preghuntáronme d'onde era
da parroquia de (Reiboe)
daquela bendita terra
da parroquia de (Reiboe)
daquela bendita terra

E ti telo telo
e non mo queres dar
e despois de vello
halo de salar
halo de salar
halo de salar
e ti telo telo
e non mo queres dar

A fuliada vai nela
a fuliada vai nela
de vintecinco parroquias
han de vir aquí a ela
de vintecinco parroquias
han de vir aquí a ela

Eu non vou, non vou,
eu non vou alá
á casa do cura
que me quererá

Que me quererá
que me ha de querer
e unha criada
quérema vender

A mina de (Varilongo)
ten vintecinco escaleiras
para subi-las casadas
para baixa-las solteiras
para subi-las casadas
para baixa-las solteiras

E ti telo telo
e non mo queres dar
e despois de vello
halo de salar
halo de salar
halo de salar
e ti telo telo
e non mo queres dar

Teño unha nena embrazada
outra téñoa parida
outra téñoa na cama
coa barrigha pa riba

E ti telo telo
e non mo queres dar
e despois de vello
halo de salar
halo de salar
halo de salar
e ti telo telo
e non mo queres dar

San Xoán díxolle a Cristo
que non o adormentase
para ver baila-lo sole
día da súa romaxe
para ver baila-lo sole
día da súa romaxe

E volta e vira
e volve a virar
e voltas de (incomprensíbel)
son malas de dar
son malas de dar
son malas de dar
e volta e vira
e volve a virar

Vaina levando con xeito
vaina levando con xeito
ela é rapaza nova
non a rebentes do peito
ela é rapaza nova
non a rebentes do peito

Vouvos da-la despedida
despedida vouna dando
vouvos da-la despedida
e despídome cantando
vouvos da-la despedida
e despídome cantando

Que saber d'onde son
botando a vista pa atrás
son do lugar de Folgoso
moi cerquiña de San Blas