Xacobe do Armadoiro 

e mais Pepa da (Anellada)

foron vender un conexo

á feira que houbo en Lousada

 

Xacobe foi vender ovos

e Pepa quedou co cesto

e vén pra comprarlle o bicho

Farruco do Corcoesto

 

Canto ques polo cabrito

no é cabrito que é conexo

non llo conoce nos ollos?

Eu os ollos non llos vexo

 

Pois mira aquí ten un atrás

e o outro teno deste lado

e si quer verlle o máis guapo

Con perdón

ten que levantarlle o rabo

 

Farruco pilla o conexo

coas pernas carpeando

e deixouno cego dun ollo

e do outro quedou chorando

 

Farruco tirou con forza

o conexo contra a xente

berrou: aparten quen vén

que este bicho vai doente

 

e foille batir a unha vella 

que estaba no chao sentada

e parteulle un cesto de ovos

e mais tiroulle a dentada

 

 

Enriba dun croio grande 

que a vella  tiña alí ao lado 

e deu en berrar a vella:

quen foi ese disgraciado?

 

E nesto chégase Pepe

buscando no conexiño

e deulle a vella un couce grande 

e espateloulle o fuciño

 

I as mulleres do meu conto

van pra a casa sin parar

Xacobe fixo unhas papas

(incomprensíbel) de cenar

 

Xa hai no pote (incomprensíbel)

acaban (incomprensíbel) de ferver

Xacobe (incomprensíbel)

e as papas foinas comer

 

Dous cazolos que tiña

que trouxera de Momán

que levaban sete cuncas 

das máis grandes que se fan

 

E seique lles botache grasa, 

dixo Pepa da Anellada

a min moito me souperon

e encontrei unha tallada