O tema central desta reunión foi «A profesionalización do oficio de escribir e traducir». Presentouse o estudo do CoNCA "36 propostas para a mellora da condición profesional no mundo da cultura" e o estudo, realizado pola AELC, "Escribir en catalán: estado da profesionalización. Os efectos da crise económica sobre o colectivo de escritores", a cargo dos seus autores. Representantes das delegacións galega e vasca interviron para expor a situación no seu ámbito territorial, e houbo espazo de debate e reflexión.

 

A delegación galega estivo formada por Cesáreo Sánchez, presidente da AELG, Mercedes Queixas, secretaria xeral, e os relatores Ledicia Costas e Suso de Toro; a delegación vasca por Jasone Osoro, presidenta EiE), Maite Toledo e Yolanda Arrieta. 

 

O mesmo día, despois da asemblea anual da Federación, Maria del Mar Bonet puxo o colofón do encontro cun recital poético e musical.

 

 

Programa

 

11:00h.

Presentación do estudo realizado polo CoNCA: "36 propostas para a mellora da condición profesional no mundo da cultura", a cargo do bufete de avogados Brun & Guiu: Joan Antoni Borrell Alonso (temas laborais), Lluís Brun Menéndez (temas de contratación e propiedade intelectual) e Josep Guiu Badia (temas fiscais).

Intervención por parte das tres asociacións sobre os temas do estudo (temas do ámbito tributario, laboral, contractual e formativo).

 

16:00h.

Presentación do Estudo "Escribir en catalán: estado da profesionalización. Os efectos da crise económica sobre o colectivo de escritores", a cargo dos sociólogos autores do estudo: Marc Aguilar e Lluís Mangot.

Problemas da profesionalización nas letras vascas e galegas a cargo dun representante de cada asociación.

 

18:30h.

Asemblea anual da Federación Galeusca.

 

19:30h.

Actuación de Maria del Mar Bonet con Borja Penalba.

 

 

O lote de fotografías 1 a 310 da fototeca anexa son da autoría e propiedade de Carme Esteve (Relats Fotogràfics).