AfonsoBecerra de Becerreá
Dramaturgo e Director de escena. Doutor en Artes Escénicas pola Universitat Autònoma de Barcelona. Titulado Superior en Arte Dramática na Escola Superior d’Art Dramàtic do Institut del Teatre de Barcelona, na especialidade de Dirección Escénica e Dramaturxia. Titulado en Interpretación polo ITAE de Asturias. Premio Álvaro Cunqueiro de obras teatrais da Xunta de Galicia. Exerce a docencia na Escola Superior de Arte Dramática de Galicia.
Ademais de artigos e colaboracións en diversos volumes colectivos, ten publicado, como dramaturgo e ensaísta, as seguintes obras: Pandrama (Laiovento, 2022), História da dança contemporânea na Galiza (Através Editora, 2021), Confio-te o meu corpo. A dramaturgia pós-dramática (Através Editora, 2018), Textículos dramáticos e posdramáticos (Laiovento, 2013 e 2014), Roberto Vidal Bolaño e o xogo do teatro (Laiovento, 2012), 9999 no libro Banqueiros de Francisco Pillado Maior [Coord.] (Laiovento, 2012), Dramatículas (Laiovento, 2010), É un dicir (Revista das Letras. Nº 833. 19/08/10. Galicia Hoxe), Crio-Xénese (Laiovento, 2007), Dramaturxia. Teoría e práctica (Galaxia, 2007), Rexurdimento (RGT, 2006), O ritmo na dramaturxia (Universidade da Coruña, 2005) e Agnus Patris (Xerais, 2002).
Como tradutor publicou O corpo máis bonito que se atopará nunca neste sitio de Josep Maria Miró Coromina (Erregueté, Nº 101, 2021), Lear de Francesc Meseguer (Erregueté, Nº 92, 2017), A obediencia da muller do pastor de Sergio Martínez Vila (Erregueté, Nº 87, 2016), Un pé xigante esmágaos a todos de Xavi Morató (RGT Nº 83, 2015), Mata o teu alumno de Carles Mallol (RGT Nº 79, 2014), O principio de Arquímides de Josep Maria Miró Coromina (RGT Nº 71, 2012), O tempo de Lluïsa Cunillé (RGT Nº 67, 2011), Na meta de Thomas Bernhard, en colaboración con Ana Contreras (Difusora das Letras, Artes e Ideas, 2010), A muller que perdía todos os avións de Josep Maria Miró Coromina (RGT Nº 63, 2010), Esquecer Barcelona de Carles Batlle (RGT Nº 59, 2009), Oasis de Carles Batlle (RGT Nº 55, 2008), O show de Kinsey de Jesús Díez (RGT Nº 54, 2008), Origami de Carlos Be (RGT Nº 50, 2007).
No 2009 fundou, xunto a Ana Contreras, a Cía. ÓNFALO TEATRO S.L. coa que estrearon Neuras de Mª Xosé Queizán (Auditorio de Cangas, 18/11/09), e NA META (Sálvese quen poida) de Thomas Bernhard (Mostra Internacional de Teatro de Ribadavia, 17/07/10). Anteriormente traballou nos espectáculos: Rosalía 21 (Producciones Bles S.L. Teatro Mella da Habana, 23/02/08), Porno de Dani Salgado (Teatre Lliure de Barcelona, 22/04/04), Assaig Obert de Dani Salgado (Teatre Lliure de Barcelona, 2003), ¿Tiene fantasmas este castillo? de Jordi Ardid (Històrica Produccions S.L. de Barcelona. Castell de Montjuïc, 15/07/02), Paraules i records de Mossen Cinto Verdaguer (Històrica Produccions S.L. de Barcelona. Vil·la Joana, 09/06/02), Macbeth de Shakespeare (Teatre Malic de Barcelona, 06/06/02), Cavallitus de Antonio Morcillo (Teatre Nacional de Catalunya. 32 Festival Internacional de Teatre de Sitges, 09/06/01), Rexurdimento. Visións dun cego (Nove Dous Teatro S.L. Auditorio do Carballiño, 15/10/2000), La barca nova de Ignasi Iglesias (Teatre Nacional de Catalunya, 06/10/99), La doma de la furia de W. Shakespeare (ITAE de Asturias. Palacio Valdés de Avilés, 14/06/96), El porque de las cosas de Quim Monzó (ITAE de Asturias. Sala Quiquilimón de Xixón, 04/03/96).
Director da Erregueté | Revista Galega de Teatro, desde novembro de 2020 e membro do seu Consello de Redacción desde 2006. É colaborador da revista ARTEZ e de El Periódico de las Artes Escénicas y Visuales ARTEZBLAI, tamén realiza colaboracións esporádicas nas revistas Primer Acto e en Tempos Novos. Foi membro da AICT (Asociación Internacional de Crítica Teatral), da ADE (Asociación de Directores de Escena). Do 2006 ao 2009 formou parte do Consello Asesor do CDG (Centro Dramático Galego).
Dirixiu a Asociación Cultural A Pipa de Becerreá desde 1988 até 2016, que organizaba o Certame Literario da Alta Montaña Luguesa e as Noites Poéticas inauguradas por Uxío Novoneyra en 1996.
Ademais do Premio Álvaro Cunqueiro para textos teatrais da Xunta de Galicia pola obra Agnus Patris, coa que tamén quedou finalista no Premio Nacional de Literatura Dramática do Ministerio de Cultura en 2001. Foi Finalista na modalidade de teatro dos premios da Asociación de Escritores/as en Lingua Galega do ano 2008, pola obra Crio-Xénese. Recibiu o Premio María Casares á Mellor Versión/Tradución pola obra O principio de Arquímedes de Josep María Miró Coromina en 2016. Mención Honrosa no Premio Internacional de Jornalismo Carlos Porto do Festival de Almada (Portugal) en 2020. Premio de Honra do FETEGA, Festival de Teatro Galego do Carballiño, Ourense, en 2020.
[Maio, 2022]
